الهموم القديمه *,,؟

لبارحه ياوسع صدري على الليـل
يحدنـي علـى الهمـوم القديـمـه



ينبش جروحن هدت الحيل بالحيـل
ويعيـد طعنـات السيـوف الأليمـه



بسبابهـا أصبحـت للعزلـه أميـل
أعيش وقتي صمت مـن دون قيمـه



أحمل في داء الحزن من دومن تحليل
وأحمل دواءه صبر وقـوة عزيمـه



ماينحني متني علـى كثـر مااشيـل
اضحك ولو احمل شعـور اليتيمـه



ياغاليه عودي ترى الصدر منديـل
الدمـوع قلبـن ذاق مـر الظليمـه



ذنبه عشـق ولا ريحتـه الغرابيـل
الارض قفرا والمطر وسـط غيمـه



وردة غلانا اللي روت منك يالنيـل
اليوم تشرب مـن غديـر الحريمـه



ذقت الهجر من عقب ذيك التعاليـل
اصبحت من ليلي أخـاف الهزيمـه



أعاتبه واصارحه واسـرج الخيـل
الناس فـي هدنـه وحربـي مقيمـه



لادمـت ياليلـن بالفرحـه أبخيـل
مدات كفـك سـم وذكـرى عقيمـه



إما طعني وارتحل ودمعـي يسيـل
والا نصب لي بوادي الشوق خيمـه



والبارحه وقت أزدحم ليل مـع ليـل
واشوف برق الشعر وهبـت نسيمـه



هلت مزونه واحتـدم داخلـي سيـل
وفاضت محابر خاطري من نعيمـه



وبريت مرسـم هاجسـي لتفاصيـل
منشان أبرسم لوحتـن لـي وسيمـه



وقادتني الذكرى ميلـن بعـد ميـل
واشعلت جمر الشـوق والله يديمـه



للغالي اللي رغـم كثـر المواصيـل
قفـآ ولا أظـن النـوايـا سليـمـه



جف القلم وتعبت خيـول المراسيـل
ولا لفانـي منـه دعـوى مقيـمـه



قولولـه انـي ماابـدلـه تبـديـل
ولا اتسمـع فيـه قـول النميـمـه



وان كان يبغاني عـن دربـه أميـل
دعوى ذميمه مـن ايـادي كريمـه